• 044 477 518

  • lindita.ibrahimi@uni-pr.edu

  • Skënderaj, Kosovë

Dilema mbi agjërimin gjatë shtatzënisë

Dilema mbi agjërimin gjatë Ramazanit shqetëson shumë nëna të ardhshme.
Pyetjet nëse është e sigurt apo jo agjërimi gjatë shtatëzënësisë shqetësojnë shpesh gratë. Ne ju sjellim disa këshilla të ekspertëve për këtë çështje në mënyrë që ju dhe fëmija juaj të qëndroni të sigurt dhe të shëndetshëm gjatë këtij Ramazani.

Të agjëroni ose jo gjatë shtatzënisë:

Kjo duhet të vendoset nga mjeku juaj i cili është në dijeni të plotë të çështjeve që lidhen me shtatzëninë tuaj. Nëse mjeku sugjeron agjërimin, mund të vazhdoni me të.

Në përgjithësi, çdo grua shtatzënë që vuan nga ndërlikime gjatë shtatëzënësisë, si presioni i lartë i gjakut, diabeti, infeksionet e veshkave ose problemet e zemrës duhet të përmbahet nga agjërimi.

Kurse ju shtatzëna të shëndetëshme që keni vendosur të agjëroni , ka disa këshilla thelbësore që duhet të ndiqni gjatë agjërimit :

1. Qëndroni të hidratuar. Pini shumë ujë në syfyr dhe Iftar

2. Konsumoni ushqim të shëndetshëm duke përfshirë në shujta proteina, fruta, hurma dhe fibra

3. Prishni agjërimin në rast se ndiheni shumë të dobët

4. Hani ushqime të pasura me energji gjatë syfyrit

5. Shmangni aktivitetet që do t’ju lënë të lodhur fizikisht gjatë agjërimit

6. Pushoni dhe flini mirë

Kontaktoni mjekun tuaj në rast se ndjeni ndonjë nga sa vijon:

1. Mosvendosja e peshës së mjaftueshme, ose humbja e peshës.

2. Ndjeni shumë etje, ose urinoni më pak se zakonisht ose nëse urina është me ngjyrë të errët. Kjo është një shenjë e dehidrimit, dhe mund t’ju ​​bëjë më të prirur ndaj infeksioneve të traktit urinar (UTI) ose ndërlikimeve të tjera.

3. Dhimbje koke, dhimbje të tjera ose ethe.

4. Të përziera ose të vjella.

5. Nëse ka një ndryshim të dukshëm në lëvizjet e foshnjës suaj, të tilla si nëse fëmija juaj nuk lëviz ose shkelmon aq shumë.

6. Vini re dhimbje të ngjashme me tkurrjen. Kjo mund të jetë një shenjë e lindjes së parakohshme.

7. Ndjeni marramendje, të fikët, të dobët, të hutuar ose të lodhur, edhe pasi të keni pushuar mirë. Prisni agjërimin menjëherë dhe pini ujë që përmban kripë dhe sheqer, ose një solucion oral për rehidrim.

Në përgjithësi, sugjerohet që gratë të mos agjërojnë gjatë tremujorit të tyre të parë dhe të tretë të shtatzënisë.

Pikëpamja Islame:

Sipas Islamit, gratë shtatzëna lejohen të lënë agjërimin gjatë Ramazanit. Ajo mund të kompensojë agjërimet e humbura më vonë, kur është joshtatzënë.

Ndjehu sigurtë !

Ordinanca Gjinekologjike Obstetrike “Dr.Linda”

📍Ass. Dr. Lindita Ibrahimi Veliu gjinekologe obstetre MD,PhD

☎️Për termine shkruani në nr.
📞: 044 477 518 (viber) dhe

Ju mirëpresim! 

2 thoughts on “Dilema mbi agjërimin gjatë shtatzënisë

  • Leave a Reply

    Your email address will not be published. Required fields are marked *